This page is intended for users in Hong Kong(Chinese (Traditional)). Go to the page for users in United States.

aMOD:「想幫你搵到自己嘅路」

撰文:Wantedly編集部

a Matter of Design(下稱aMOD),一睇個名就知佢哋對靚嘢有幾執著,雖然大家未必聽過佢哋個名,但會唔會聽過佢哋代理嘅lifestyle品牌Tom Dixon同BoConcept呢?今次筆者索性踩落佢哋舖頭,睇吓佢哋平時返工有幾chill!

▲今次決定同HR傾兩句先,再睇吓佢講嘅真唔係!(Swift – HR Business Partner)

「最多謝第一份工個manager!」

一見到UST BBA,可能大家會聯想到好多唔同嘅職業,但偏偏Swift就要行一條自己想行嘅路:「仲讀緊U嗰陣已經有返part time retail,就發覺自己幾鍾意做呢行,而當時個manager都對我好好,好到我未畢業就已經畀我去上海幫手開新舖,所以我真係好感激佢,而我都想好似佢咁去栽培人。」

就係因為呢位伯樂,Swift就想由前線轉去做HR,因為佢想令到每一位同事都可以喺工作上得到滿足感,等大家都可以做一個「better me」。

咁關於佢哋呢一代「90後」,佢又有咩睇法呢?

「我覺得我哋呢代人好多時未必知自己想要咩,但就幾知道自己唔想要啲咩,所以作為一個HR,或者呢個工種嘅人,都有責任去幫一班同事搵到自己想要啲咩。」

佢就用incubator去比喻aMOD:「喺呢度做嘢就一定辛苦㗎啦,但同時間都有好多機會畀同事去發揮,亦都唔會care你嘅工作經驗,因為我哋只係需要get things done。咁當你試得夠多,就自自然然會知道自己想走一條點嘅路。」

▲同HR傾完,不如同back office嘅新同事傾吓?(Tracy – Customer Service Officer)

「做哂啲嘢點解要OT?」

呢句說話係Tracy嘅其中一個上司講嘅,而佢咁講嘅意思並唔係「兇」大家要OT,只係真心咁叫大家收工:「呢度比較result-oriented,所以做嘢嘅時候會比較free同open,你覺得點樣做舒服啲、好啲,你就可以跟自己嗰套,總之你做得完件事就ok。」

咁但係咁多工種,點解要做CS呢?Tracy就話令到啲客由嬲變到開心呢種感覺好正:

「呢件事其實好challenging,例如之前有個客喺呢邊買咗幾件傢私,但因為佢住離島,所以之後就好緊張咁打嚟問呢樣做唔做到,嗰樣做唔做到,當然態度都唔係話太好,但最後幫佢砌好哂個屋企之後,佢仲send咗封好長嘅email嚟多謝我,嗰份滿足感真係好大。」

而作為Tracy嘅第二份工,佢又覺得aMOD同之前間公司有咩唔同呢?

「因為我之前做嗰間係比較細嘅startup,所以好多嘢都要自己學,試住嚟做。但呢度如果我有嘢唔識做,我知道自己可以問邊個,到你學識點做,你又唔一定要跟住學返嚟嗰套點做,總之搵最適合自己嘅方法。」

▲既然要做一個HR,Swift就話要做到最好

「想大家都變成一個better me」

被問到自己喺aMOD呢3年最滿足嘅位係咩,Swift就咁講:「我覺得班同事close咗好多,唔止係講緊office裡面嗰班,仲有舖頭同office之間既關係,以前大家中間都好似有條gap咁,冇乜交流,但起碼而家會有多d activities,會畀前線同office有多啲接觸。」

而呢件事都同班同事變成更好嘅自己有關,因為好多時候一個人係好難進步:

「好多時你有嘢唔識,諗唔到點做,最直接幫到你嘅就係班同事;就好似你有嘢煩都會搵朋友傾。如果班同事本身都冇乜兩句,大家各自做自己嘢,咁無論係office、舖頭,以至前線同back office之間嘅關係都會變差,然後一係就『硬食』,一係就『卸膊』或者『hea』做,大家都唔會有進步。」

如果你想搵間公司想「hea」住做,aMOD未必好啱你。但係如果你喺有心想搵一條屬於自己嘅路,aMOD會有班志同道合,同你一齊搏嘅上司同事。機會就係面前,行唔行呢一步就睇你自己。

仲諗?試咗先講啦😉

A Matter of Design的招募
10 Likes
10 Likes

本週排名

展示其他排名