1
/
5
This page is intended for users in Hong Kong(Chinese (Traditional)). Go to the page for users in United States.

Big Bang Academy:「你係掂嘅話,錢絕對唔係問題!」

撰文:Wantedly編集部

相信大家近年都見到唔少乜乜academy嘅出現,又話教小朋友coding呀、又話點樣玩Minecraft同Roblox之類,而今次同筆者傾偈嘅Big Bang Academy,反而係想「還原基本步」,純粹令一班小朋友鍾意science、鍾意思考。

▲ (利申:佢哋請緊好多role,記得睇到最後呀!)

▲ 一嚟就打大佬先啦好嗎?(圖:Nixon – Co-founder)

Nixon:「我感覺到,喺呢個moment,要爆喇……」

喺Cambridge讀Natural Sciences出身嘅Nixon,原本同好多香港人一樣,搵咗舒舒服服又前途無限嘅工,畢業之後先入咗MTR做Graduate Trainee、再轉去HSBC做到VP (Vice President),可以話係「打跛腳都唔使憂」。

同時間作為一個「90後」,佢同好多年輕人一樣咁想追夢,更加放唔低自己對science呢團火:

「嗰陣讀書都冇諗咁多,鍾意science咪走去讀囉,但做咗幾年嘢之後,又唔想完全放低science呢件事,所以就開始諗吓點樣將science變成一個business。」

就係咁,Nixon就搵埋兩個朋友──Sarah同Katrina,由2年幾前喺一間Starbucks開始構思Big Bang Academy呢間startup。

▲ 睇佢哋而家成班咁開心就知咩事啦~(圖左至右:Sarah、Roy、Wistaria、Katrina、Nixon、Vaish)

「呢個世界需要更多科學家」

呢句說話係由Big Bang Academy嘅「金句王」Katrina講嘅,喺成為佢哋嘅Product Designer之前,Katrina喺港大BBA (Law)畢業、去NYU讀埋Film Production、再入埋University of Washington讀緊Design & Engineering,然後仲要喺HSBC做緊Associate Director。

▲ 利申:你啱啱冇睇錯,筆者見到Katrina個background都呆咗5分鐘……(圖:Katrina – Part-time Product Designer)

明明已經高薪厚職,Katrina點解仲要喺Big Bang Academy幫手做Product Designer呢?

「其實自己不嬲都好鍾意啲creative嘅嘢,所以嗰陣讀完law都冇諗過做律師,因為覺得自己性格根本唔啱,於是咪讀咗film production同埋讀緊design & engineering。」

被問到點解要揀Big Bang Academy,Katrina即刻認真起上嚟:

「成個大氣候一直都solve緊啲first-world problem,好似諗點樣可以令個app快1秒、點樣令啲人容易啲喺你個e-commerce platform度買嘢之類,但其實呢個世界仲有好多fundamental嘅問題都冇人解決。」

所以Katrina先會認為呢個世界需要更多科學家,強調科學教育對個社會其實好有幫助:

「喺香港讀書,唔好淨係講science啦,好多時都係教你點樣考試、點樣答題,所以搞到好多學生對理科都冇乜興趣,因為好多時都係背formula之類。但其實每個喺Big Bang Academy上堂嘅小朋友都好enjoy,因為科學本身就係一件好有趣嘅事。」

▲ Katrina唔係吹水㗎,講緊佢哋個新project──Big Bang Lab喺Kickstarter用咗7個鐘就眾籌夠數。(唔信自己search吓……)
▲ 等筆者搵埋個part-time老師嚟傾吓偈先~(圖:Vaish;被上鏡:Roy)

「好似同班friend做嘢咁」

喺港大讀緊biochemistry嘅Vaish,機緣巧合之下認識咗Big Bang Academy呢間公司,然後就入咗嚟做science teacher:

「喺呢度做嘢同正常學校setting真係好唔同,Big Bang本身啲course又得意,你又可以同啲小朋友一齊落手落腳做實驗,你見到佢哋咁enjoy件事真係好大滿足感。」

Vaish仲話呢度做嘢真係好flexible:「我只係要同佢哋講幾時得閒,佢哋就會安排啲course畀我,同埋而家公司基本上都係做online course,變咗成件事都好『快靚正』。」

講到做嘢同請人,Nixon就一句「車」埋嚟:「只要你係掂嘅,錢絕對唔住問題!因為我真係想請你嚟打救我……」

▲ 大家見唔見到張相有啲blur?因為佢真係「車」緊埋嚟……

而對Nixon嚟講,最緊要嘅並唔係個人能力,而係要講「唔識」:

「其實好多同事都係由intern做起,再轉做full-time,所以好多時都係一張白紙,由零開始,好似我哋搞Big Bang Academy咁,好多嘢都係第一次。」

所以Nixon認為唔識做並唔係問題,最緊要係你會自學、會搵答案去解決問題,而呢個時候Katrina就跳入嚟:

「同埋講緊Big Bang呢度平均年齡都係24、5歲,都係成班『90後』一齊做嘢,唔使特登討好老闆,又唔一定要返office做嘢,其實好chill,因為大家都係為件事好,最緊要做到嘢姐。」

▲ 利申:佢哋仲有Nixon表情sticker,而Nixon嘅主要職責就係畀一班同事笑~

當個社會好似越嚟越多問題,唔好話下一代,呢一代嘅年輕人都承受住咁多事嘅時候,根本已經冇心力去解決自身以外嘅問題。但偏偏Big Bang Academy呢班人就係想培育好下一代,希望佢哋最起碼學識思考呢件事,如果你睇到呢度,又想成為其中一個「癡線佬」嘅話,就click落去下面啲openings睇吓啦!

🔥 全新production team招募中🔥

Multimedia Designer
Become our Multimedia Designer bring in your creativity and inspire early-age education in HK!
Founders of Big Bang Academy are graduates from University of Cambridge with degrees in Engineering and Natural Sciences respectively. It was positive and joyful memories in their childhoods that inspire them to read more about science and develop an interest in it. Through Big Bang Academy, they want to recreate these “lightbulb moments” to children who often face immense pressure academically and overlook the joy in learning. Having pursued in the STEM academic journey and realizing the unparalleled benefits from developing an informed curiosity and passion for learning, it is our mission to make science fun, accessible and relatable for every child in Asia.
Big Bang Academy
Big Bang Academy的招募
如果這篇文章引起了你的興趣,歡迎你到訪公司了解更多!