This page is intended for users in Hong Kong(Chinese (Traditional)). Go to the page for users in United States.

冇Degree?依然大把機會!

撰文:Wantedly編集部 | 2018-08-16

今時今日有大學學位,甚至係海龜系(外國留學回流)嘅畢業生一街都係。咁我冇大學Degree,係咪就冇出路呢?

小編今次就搵嚟香港寬頻(HKBN)同大家分享吓一份唔需要Degree、平日被大家忽略咗、但其實好多機會嘅職業 — Service Technician 服務技術員。

「服務技術員做咩㗎?」

服務技術員有個耳熟能詳嘅稱號,冇錯就係「拉線師傅」喇。唔好以為做「拉線」,就真係駁條線咁簡單呀,真係咁容易嘅⋯⋯你自己整咪得囉係咪先?

技術服務經理Jacky Lo話為咗提升員工喺客戶服務、技術同埋產品嘅知識水平,香港寬頻嘅所有師傅都要接受「CPE (Certified Professional Engineer) 專業認證計劃」嘅評核先至能夠成為認證嘅專業技術人員。呢個認證有幾巴閉?咪就係行內唯一一間獲得香港管理專業協會「最佳管理培訓及發展獎」金獎的認證課程囉。喺計劃期間,師傅仲可以清楚咁了解自己嘅強弱項,從而重點提升個別技能,同埋幫助佢哋喺團隊入面搵到最啱自己嘅位置~

Dri-Fit制服、襯晒色嘅adi波鞋、加埋個硬喼⋯乜家下啲師傅咁型㗎咩?!

「份工就係拉線咁簡單?有咩其他嘢學?」

雖然好多公司都係入屋駁完條寬頻線就收工,但香港寬頻就希望喺專業技術之外做多少少,為客人帶嚟更加優質嘅體驗之餘,亦俾前線員工學多啲、識多啲嘢。例如拉完線之後,師傅會主動了解客戶嘅上網習慣,睇下有冇其他合適嘅產品、服務可以介紹返俾客人,幫到個客之餘,從中學到嘅溝通、銷售、諮詢等技巧,對將來晉升之後帶領自己嘅團隊都相當有用。

換句話講,拉線師傅嘅工作其實好多元化;除咗技術支援仲可以學習到銷售服務技巧,只要你夠主動,抱住一個正面嘅心態,前面有無限嘅機會等住你!

【有趣事例】
「有次上咗個外國客人嘅屋企,可能見服務真係幾好嘅關係,裝完寬頻線之後佢好熱情咁叫我留低……(吓?!)一齊打機!(哦嚇死)咁我接完今日最後一單job又冇約咪留低打吓Online game囉,順便試埋條線上網係咪夠快吖嘛 😂」—— 網絡服務技術員阿Ken

「大公司文化:高層不知民間疾苦?」

部門嘅經理全部都係紅褲仔出身,又點會唔知前線員工嘅辛酸吖?所以呢條Team入面好多政策同福利嘅制定,都係為員工度身訂做。就好似呢排天口㷫,師傅要舟車勞頓咁周圍做嘢,公司就準備咗啲涼茶券慰勞大家喇,又有消暑風扇仔提供。

另外,Jacky以前做細嗰陣,就親身體驗過每日攞咁多架生出街有幾吃力,所以佢做咗經理之後,決定將啲工具寄存喺唔同區嘅速遞中心,從此之後,班師傅就過住幸福嘅日子…Sor…係唔使再拎住咁多重嘢周圍騰先啱!

一間大公司,其實都可以做到好有人情味、照顧同體恤員工。

經理同事打成一篇、一齊進步。(左起)技術服務經理Van Leung、區域網絡服務工程師Ivan So、技術服務經理Jacky Lo、及網絡服務技術員Ken Cheung。

「咁大間公司點維繫員工嘅關係?」

公司除咗有定期嘅飯局、聯誼球賽同義工活動,等員工可以聚埋一齊Update下最新資訊…部門中層有需要時仲會同前線嘅手足一齊做嘢,齊齊拍住上,拉近成條Team嘅距離!

「同行咁多選擇,做乜要入香港寬頻?」

返工除咗為錢,都要睇下公司入面嘅晉升機會同福利嘅!香港寬頻唔單止會為員工提供有關工作上嘅訓練,佢哋仲有個「下一站.大學」嘅計劃畀公司同事參加,名副其實供埋你讀大學呀!其實Jacky同Van都係好後生冇入大學就出嚟做嘢,之後透過呢個計劃由公司資助,幫佢地攞返張升做管理層嘅「入場券」~

好喇,再講返啲實際少少嘅…福利~最吸引嘅,一定係香港寬頻嘅假期比同行多好多,而大時大節員工都有多半日假,輪班嘅同事都會有補假~已經有家室嘅仲可以喺「親子日」帶埋小朋友返工,俾佢地見識吓爸爸媽咪嘅工作環境,仲可以識新朋友仔!

技術服務經理Van Leung:「與其用晒外判服務,不如著重聘用內部員工,建立自家強大可靠嘅工程團隊。」

呢個就係充滿活力嘅CPE 團隊喇!

「後記」

喺呢個年頭,入屋第一件事已經唔再係「叫人」,而係…搵Wifi呀!有冇諗過,你可以攤喺度好他調咁上網,係因為某一日,有個拉線師傅上咗嚟幫你駁好條線?

我哋喺日常生活入面,成日都會忽略咗班默默咁付出嘅前線工作人員。下次不妨同呢班勞苦功高嘅師傅講返聲:「辛苦晒~ お疲れ様~」(小編睇日劇睇上腦)

想搵一間會為自己前途著想嘅大公司?成為香港寬頻嘅一份子啦!入嚟了解更多👇🏼

>>香港寬頻技術人員招聘日❗️ <<

🔧 Service Technician 服務技術員
🔢 Database Administrator
👨🏻‍💻👩🏻‍💻 Web Developer

睇吓有咩好工啱你啦 👇🏼

成立於2010年,Wantedly是一家於東京起家的上市企業 。我們的目標為"Create a world where work drives passion" — 以才能及對公司的興趣將求職者與僱主連繫起來,取代重視利益關係的傳統配對。在日本有超過30,000間公司使用Wantedly,每月活躍用戶達到120萬個。我們的服務已拓展至新加坡,現在更進駐香港!
Hong Kong Broadband Network的招募

本週排名

展示其他排名