撰文：Wantedly編集部

喺呢個時勢，agency唔炒人都已經好好啦，更何況係請人？但Good Morning Creative就偏偏逆市擴充，仲講到明話淨係請「好」人！

▲ 留意返，佢哋唔係傻㗎～

睇書睇戲睇show？公司畀！

今次筆者就搵到公司嘅director阿Dan講吓自己Good Morning Creative有咩咁好：「我諗最吸引都係公司會出錢畀所有同事睇書、睇戲、睇show，因為我哋都會想喺公司以外support班同事。」

而當Good Morning Creative係under The Bees Group嘅時候，「334」嘅分紅制度當然唔少得，咁即係點？即係公司會將40%嘅利潤分畀員工做bonus呀，你話癡唔癡線啦？

除咗呢堆咁吸引嘅福利之外，最基本嘅insurance、dental、兩日生日假、公司旅行等等之外，阿Dan就話自己最鍾意嘅反而係大家會成日喺公司手沖咖啡，佢仲要笑住咁話：「雖然我都唔知呢個算唔算係公司福利。」

▲ 筆者再重申一次，佢哋真係唔係癡線㗎！

「癡線嘅idea？我仲buy！」

至於講到做嘢，佢就話除咗sales會regular啲之外，其他同事都好flexible，好多時都係返10收6，筆者心諗：邊有agency嘅返工時間可以咁爽……

但對於一班sales同事嚟講，最舒服嘅就係所有Good Morning Creative嘅product同channel都係獨家，所以sales會相對易sell好多。

當然仲要有一班「癡線」嘅同事，成日諗好多古靈精怪嘅idea，而上頭又唔會ban「橋」，咁大家做嘢自己就會開心好多啦。

講咗咁耐，Good Morning Creative無非都係請緊人姐，如果你睇完都想入佢哋公司做的話，不妨睇吓自己可唔可以入去做返個「好」人啦！

利申：佢哋請緊Account Manager同事呀🤑🤑🤑

彩蛋：由於其中一個老闆缺席，所以佢哋唯有托返佢出嚟啦……（詳見下圖）