撰文：Wantedly編集部

當大家仲可以去日本嘅時候，相信其中一件事就係要去啲古著店尋寶，但大家又有冇諗過其實香港都有公司做呢件事？而今次筆者想大家介紹嘅就係HULA呢間sustainable fashion公司！

▲（利申：佢哋而家請緊人㗎，記得睇到最後呀！）

簡單介紹吓HULA呢間公司先：大家可能有所不知，而家人類對衣著嘅需求比起10年前高咗4倍，為咗令「地球伯伯」受少啲苦難，喺Lane Crawford做咗接近10年嘅founder – Sarah Fung就喺2017年開咗HULA呢間sustainable fashion公司，將唔同嘅designer brands擺上自己嘅platform，等大家可以用好平嘅價錢買到靚衫之餘，仲可以為地球出一分力。

▲ 畀大家睇吓佢哋早排喺中環嘅pop-up store～

「點解唔可以對班同事好啲？」

或者大家每朝搭車返工都會諗呢個問題，但又有幾多公司真係會體諒一班同事呢？

但HULA就唔同，佢哋呢間公司嘅返工時間係11點，大家冇睇錯呀，真係返11點呀！除咗返工時間體貼之外，公司仲有無限咖啡、飲品、蛋糕、lunch同dinner gatherings，你都咪話唔癲……

除咗呢啲「軟件」上嘅benefit之外，HULA仲會畀一班同事極大嘅staff discount同year-end bonus。

▲ 試想像吓：vintage嘅designer brand items已經夠平，有埋staff discount真係一年365日著唔同嘅衫褲鞋襪都得……

▲ 介紹返：HULA嘅founder ── Sarah Fung

「每間公司都應該做正確嘅事」

對於HULA嚟講，除咗員工福利呢啲咁「表面」嘅嘢，Sarah就覺得正確嘅事係：

「好多人返工都搵唔到滿足感或者成功感，覺得自己好似係間公司裡面嘅齒輪。所以我哋會畀好多自由度同事，無論係試佢哋認為會work嘅campaign又好，又或者只係fine tune吓啲day-to-day嘅procedure都好，因為我覺得好多嘢都係試咗先知。」

除咗對一班同事好之外，佢哋仲會將至少5%嘅淨收入捐畀5間慈善機構，由專注打擊人口販賣去到照顧癌症病人都有，而呢個就係其中一個HULA認為正確嘅事。

咁至於佢哋想請咩人呢？Sarah就好直接咁講：「HULA始終都係做fashion industry，有fashion background就固然好啦，但冇都唔重要，因為好多嘢都可以學返嚟，所以最緊要都係肯學肯做。」

當今時今日做正確嘅事都咁艱難嘅時候，或者大家會對將來失去信心，但好似HULA呢間公司嘅存在就證明咗：啱就係啱、錯就係錯。如果你都想成為佢哋嘅一份子嘅話，就快啲睇吓佢哋下面嘅job post啦！