This page is intended for users in Hong Kong(Chinese (Traditional)). Go to the page for users in United States.

【筆者身世大揭秘】③ 夢想vs麵包?

又過咗幾個禮拜,同大家講返個friend最後點先,佢都有好努力咁諗佢自己個「鐘意/唔鍾意」表出嚟,但與此同時,佢亦都唔捨得份糧,所以同好多事情一樣,佢嘅結論係「冇結論」。

與此同時,大家個表又諗成點呢?如果已經搵到新工嘅就當然恭喜你哋啦,未搵到的話又唔使太灰嘅,除咗個表之外可能仲有其他嘢幫到你呢?

喺呢半年嚟,唔知大家開始發現個事實未,就係好多時啲人話:「都係打份工姐……」、「咁都要食㗎……」之類嘅人,都係一啲為咗錢而出賣自己人格嘅objects。

其實,如果想夢想同麵包都要的話,方法一定有,而花嘅時間都會比較多,但起碼唔需要出賣自己嘅良知,咁個方法又係咩呢?


家駒(Beyond主唱)曾經講過句說話,大意係:呢個世界上面有好多夢想,但都比較難實現,所以大家可以選擇去實現自己嘅理想。

咁係咪即係叫大家放棄自己嘅夢想呢?當然唔係,但與其去諗點樣一步登天,或者因為「追夢」而放棄一切嘅時候,或者可以著眼於一啲更加容易實現嘅事先,畢竟發夢嘅過程並唔係一朝一夕。

以筆者嘅夢想為例,如果要成為一個詩人而且變成職業的話,需要嘅時間應該以10年為單位計(好彩的話),而退一步諗返點解會有呢個「夢想」,其實就係想用文字去令世界變得稍為美好,而後者就係其中一個「理想」。

於是乎,筆者就入咗嚟Wantedly,叫做喺「夢想同麵包」之間取個平衡:既可以繼續文字相關嘅工作,又叫做每個月起碼有錢畀家用,又餓唔死自己先。

而當你睇完呢篇或者任何一篇筆者寫嘅文,然後開始有啲想法上嘅改變,其實筆者嘅「理想」已經喺實現當中,希望大家都可以搵到自己嘅方向,共勉之。

P.S. 筆者嚟緊有條片又係講呢樣嘢,大家仲可以見到其中一位「朋友」添,記得留意啦~(仲努力剪緊…等多陣好嗎?)
Wantedly, Inc. (Hong Kong)的招募
1 Likes
1 Likes
如果這篇文章引起了你的興趣,歡迎你到訪公司了解更多!