1
/
5
This page is intended for users in Hong Kong(Chinese (Traditional)). Go to the page for users in United States.

【Yubo Trading大揭秘】② 點先係好嘅公司文化?

撰文:Wantedly編集部

當見到張封面相嘅時候,就會覺得Yubo Trading嘅公司文化好正,因為大家會時不時聚埋一齊飲嘢傾偈,但一個好嘅公司文化又係咪咁片面呢?今次就等筆者同Yubo條team拆解吓佢哋嘅公司文化啦。

▲(圖左至右)Jason – Co-founder、Pinky – Office Manager、Alex – Quantitative Research Intern(唔知佢哋講啲咩搞到Jason咁含羞答答呢?)

有「人」先會有「文化」

大家可能會覺得,筆者搵個intern返嚟都「九唔搭八」,但正因為Alex只會喺度做好短時間,佢更加唔需要睇人面色,以旁觀者嘅身份去睇Yubo Trading呢間公司。

對於呢度嘅公司文化,Alex就咁講:「因為三個co-founder同成班同事都比較後生,所以公司structure好flat、做嘢都好彈性之餘大家都會好投入,一集中做嘢就真係邊個都唔會應。」

除咗呢啲軟性嘢之外,令Alex覺得最正嘅就係公司提供嘅無限零食同咖啡,而公司買嘅咖啡仲要係非一般嘅咖啡……

▲利申:唔係賣廣告呀吓,只不過喺香港飲咖啡都可以有好多選擇~

咁喺度做咗1年半嘅Pinky又覺得呢間公司點呢?佢自己就話最鍾意呢間公司可以準時收工同埋福利好:

「以前做過啲大公司,好多時都係啲manager擺低啲嘢畀下面嘅人做,然後就自己收工先,我直頭連老闆做緊咩或者做過啲咩都唔會知。」咁呢間公司有咩咁唔同呢?Pinky補充:「先唔講同幾個老闆嘅關係先,最起碼佢哋係唔容許我哋OT呢件事,所以好多同事都係返『朝9晚6』,一到6點就會趕班同事走。」

除此之外,Pinky仲話佢哋3個co-founder係佢見過最唔老闆嘅老闆:「你有幾可見過啲老闆會自己沖咖啡?仲要佢哋真係會咩都同你傾,無論係公司有啲咩要改善、定係大家想要啲咩benefits,總之乜嘢都會拎出嚟同大家講。」

▲唔知佢哋講咩講到咁開心呢?

公司=Family

相信大家都聽過唔同嘅老闆講呢句說話,但啲老闆做唔做就另一回事。反觀喺大bank跳出嚟嘅Jason,佢除咗想畀最好嘅嘢一班同事之餘,呢個小題對佢嚟講並唔係一句「口號」咁簡單:

「雖然話Yubo呢間公司會當一班同事係family咁,但都做起嘢上嚟我哋都會press佢哋,但我哋會press with care。即係例如佢哋請病假,我哋唔會要佢哋畀醫生紙我哋、office又會有個open bar畀佢哋鍾意飲咩食咩就自己去拎,但呢啲都係好physical嘅嘢,我哋3個co-founder比較著緊嘅都係條team嘅mental well-being。」

Jason繼續講:「好似我以前返工咁,如果每一日返到公司個人都好tense咁,其實表現都唔會好,所以我哋除咗啲physical嘢,仲要make sure每日都要同班同事吹吓水,睇吓佢哋有咩問題或者有咩煩,確保埋佢哋嘅精神健康,之所以點解我哋唔會畀同事OT,因為我哋覺得如果班同事太多工作要OT,其實係間公司嘅責任。」

因為Yubo Trading而家請緊人嘅關係,Jason仲話以後嘅line manager除咗要交數之外,仲要交埋culture,絕對唔容許有同事覺得返嚟公司係一件唔開心嘅事。

如果你都想自己可以喺一個會push你之餘又會有人照顧嘅環境發展嘅話,Yubo Trading一定會係其中一間你想入嘅公司!

佢哋而家請緊好幾個role喎,睇吓下面啲job posts啱唔啱你啦💼

未睇之前嗰集?快啲去返下面條link度睇啦!

Yubo Trading的招募
如果這篇文章引起了你的興趣,歡迎你到訪公司了解更多!