This page is intended for users in Hong Kong(Chinese (Traditional)). Go to the page for users in United States.

Wantedly Journal | 仕事でココロオドルってなんだろう?

Job seekers

做保險錢途無限?拆解保險業工作疑問!

個個都話做保險可以好搵得,咁其實啫係搵幾多?點樣先做到一個專業、受歡迎(唔會俾人用掃把抨走)嘅保險從業員?

2018/07/25

唔知由幾時開始,每個人身邊都總會有幾個做保險嘅人,佢哋可能係十年都唔見一次嘅中同,可能係你姨媽個同事,又可能係鄰居個侄女……總之就好似便利店咁,實有一個喺左近~

而我哋今次就請嚟AIA Challenge District挑戰區嘅陳梓軒(Chiron)同大家分享吓,想喺呢個人人都話男女老幼、高矮肥瘦都做得嘅行業入面,點樣突圍而出,做到The best of the best。

「AIA Challenge District有咩咁特別先?」

Challenge District係香港友邦保險其中一個最頂尖嘅團隊!擁有保險界最優秀最有料嘅人才,至2016年連續十年都係友邦最多MDRT會員人數同最高比例MDRT嘅團隊。2017年更加有92%人擁有MDRT資格。AIA Challenge District仲喺先後喺2016同2018年登上Capital Entrepreneur雜誌封面故事𠻹~

「係咪有手有腳就做得保險?」
畢業於中大嘅陳梓軒現時係AIA Challenge District嘅Team Managers之一

Chiron好肯定咁講,AIA Challenge District就一定唔係!入呢區嘅第一個條件,就係要大學畢業,事實上團隊當中亦有唔少碩士學歷嘅成員。因為佢哋要確保成個團隊都係行業入面最Top嘅人才,畀外行人知道佢哋係最專業嘅代表~

「賣保險啫,要幾專業呀?」

嗱,你咁講就唔啱喇!保險業界就係有好多不負責任嘅Agent,以為入咗行,嗱嗱臨搵身邊嘅人簽完單,過幾個月賺夠數…就走得人~而佢哋簽返嚟嘅單,就會變咗冇人理嘅「孤兒單」…

不過AIA Challenge District就絕對唔容許呢啲事情發生!佢哋一直都以「精英團隊,執行細節」做目標,Chiron仲強調每一個成員都要有好強嘅執行力,應承得客戶嘅,就一定要做到!

「精英團隊,執行細節,追求卓越」

「要讀相關嘅Degree先可以加入?」

有好多公司都唔鍾意請Fresh Grad學生,但呢度就啱啱相反~無論你係讀金融、科學、工程、歷史、媽劇停、藝術等等等出身,只要你對自己前途有野心,希望可以透過呢個平台接觸唔同層面嘅人、接觸上流社會,又或者透過工作嚟證明自己能力嘅話,呢度都真係一個唔錯嘅地方,畀你盡情咁大展身手,創造一盆屬於你自己嘅生意~

「做保險好自由?」

確實有好多人都係以Part Time形式做保險,冇固定嘅工時,亦都唔使定時定候開會。如果你都嚮往咁Chill嘅工作模式,AIA Challenge District就未必適合你喇~事關呢條Team好著重紀律,逢星期一至六都要返Office做嘢,每朝8點仲要準時開會,忙起上嚟嘅…分分鐘連星期日都要出去見客𠻹呀,所以真係好睇自己追求啲咩㗎~

咁嘅要求係因為大部分嘅同事一開始都係冇人脈嘅Fresh grad,如果要喺短時間內証明自己,成為行業內Top 1%,求求其其又點可能做到?

公司有舒適嘅環境畀同事見客
「個個都白紙一張,點開單呀?」

呢層你就大可以放心~雖然啱啱畢業嘅成員大部分都冇人脈冇技巧冇專業嘅保險知識…之但係呢度好重視團隊分享,一班師兄師姐成日都會同新入行嘅同事分享下自己嘅經歷:由點樣識個客到之後嘅售後服務,難處又好、深刻搞笑嘅遭遇也好,都一五一十咁開心些牙~目的就係想喺呢個互相交流嘅過程入面,同成個團隊一齊進步!

「推動你返工嘅,係愛定責任呀?」

Chiron話自己咁鍾意呢份工,有兩個原因(應該唔係愛,都唔係責任)…第一:係因為成就感!佢每日咁搏命咁做嘢,笨唔係為咗沾光芒,而係想透過自己嘅努力,為團隊再注入啲新嘅Value;第二:係成功感~佢話每次出去見客嘅過程,都係一個同客戶深入嘅交流,而每一次Sell到張單嘅同時,都即係代表幫到客人解決問題,令對方唔使擔心之後嘅日子~

「做呢行搵好多錢?」
錢 全部都係錢

保險業係一個多勞多得嘅行業,如果你有生意頭腦,收入隨時多過其他行業幾倍都唔出奇㗎~唔呃你嘅,小編當日見啲Top Agent嘅收入真係勁過做ibank,一個月嘅就賺到份首期返嚟(冇睇錯真係六個位!),就連最普通嘅同事平均月入都有四五萬蚊,大開眼界呀…而家明白點解啲人話做保險犀利嘅可以喺三十歲前賺第一桶金鳥~

假如有心想入行嘅,Chiron建議大家不仿參觀吓不同團隊嘅Office,了解清楚各個團隊嘅文化、細節等,咁就唔怕揀錯公司跟錯老細啦!

. . .

💼 AIA Challenge District 請緊人呀!

. . .

成立於2010年,Wantedly是一家於東京起家的上市企業 。我們的目標為"Create a world where work drives passion" — 以才能及對公司的興趣將求職者與僱主連繫起來,取代重視利益關係的傳統配對。在日本有超過27,000間公司使用Wantedly,每月活躍用戶達到250萬個。我們的服務已拓展至新加坡,現在更進駐香港!

入嚟睇吓我地嘅搵工平台有咩唔同啦:
👉 http://wantedly.com/projects

  • Written by

    Wantedly編集部

下一編

Page top icon