This page is intended for users in Hong Kong(Chinese (Traditional)). Go to the page for users in United States.

Wantedly Journal | 仕事でココロオドルってなんだろう?

Company

香港 Startup 一樣可以有新科技!

明明喺五六年前,其他國家已經開始用緊e-Wallet,但呢個潮流最近一兩年先嚟到香港,我哋會唔會落後咗少少先~

2018/09/13
上圖:Sam Wong, General Manager, TusPark Hong Kong

於是我哋搵嚟TusPark Hong Kong香港啟迪中心嘅Sam Wong (General Manager) 同埋Alvin Lam (Senior Business Development Manager),介紹下呢個集科技同創業於一身嘅「共享 x 孵化空間 (Incubator)」,睇下你有冇興趣…同佢哋一齊帶世界最尖啄嘅技術返嚟畀小編用啦~

「TusPark 點樣幫到 Startup?」

TusPark除咗係一個Coworking Space,為Startup提供一個低成本得嚟,又靚靚仔仔嘅工作間之外,仲係一個Incubator嘅角色,畀錢投資喺佢哋睇好嘅會員以及不同嘅新科技,將呢啲技術、網絡同資源帶畀會員,幫佢哋手擴展業務。

Sam:「作為清華科技園嘅一份子,我哋一直以嚟都有搵唔同國家嘅大學同企業合作,將佢哋研究出嚟嘅科技商業化,例如中國嘅清華大學,美國嘅華盛頓大學, 甚至英國嘅劍橋大學。」

「做嘅嘢涉及咁多人同公司,會唔會有好多限制?」

除咗啱啱講嘅大學,原來各國政府都係TusPark嘅合作伙伴嚟!雖然工作上的確要同好多人、部門交涉,但公司喺香港嘅發展已經好成熟,而規模暫時又未算好大,咁發揮空間同自由度自然比較高啦~對比起以前間大公司,Alvin話呢度嘅人事關係相對簡單,而且好多時都係自己落手落腳做,唔使等上頭Approve先再去得下一步,所以中間可以慳返好多時間之餘,做咗出嚟嘅嘢仲好有成功感添。

由跨國公司轉過嚟嘅Alvin指喺Tuspark好多工作都係自己落手落腳處理,好快累積到經驗。
「科技產業個 Trend 轉得好快㗎喎!」

而家啲科技變得咁快,呢頭先講完Fintech,嗰頭又彈多個AI出嚟,真係跟慢少少都脫節呀~

Sam就話喇:「作為TusPark嘅一份子,學嘢一定要快,諗嘢要全面,同埋要夠Creative… 最緊要係對創業有Passion,就算你未必了解晒啲新技術,都要對呢個行業有認識,至少都要知道唔同持份者會有咩立場同考慮!」梗係啦,啲人成日都質疑Startup做嘅嘢會唔會成功㗎嘛,如果少咁啲急才同知識、思路唔夠明確嘅,又點諗到方法幫佢地拆彈吖…

而Alvin就正正對呢行充滿熱誠喇:雖然舊公司人工高福利好,但始終係一個比較傳統嘅行業,滿足唔到佢心目中最想做嘅嘢:「我希望自己可以做呢個世代走得最前嘅行業,所以揀咗TusPark~」

TusPark周不時都會舉辦唔同嘅Business Talks,幫助一眾Startup成功經營事業。
「喺呢度返工可以學到啲乜?」

Sam話幫Startup發展唔止係一個學習過程,同時亦係幫自己累積緊經驗:「其實喺 TusPark做嘢,係一個幫自己訓練思維,同埋建立人際網絡嘅好機會,無論第日係咪做返呢一行,學到嘅嘢都對同事條Career Path有好大幫助」。

唔單止個Network呀,喺度返工仲可以畀其他人搶先一步收到風,了解唔同地方嘅創業文化同最新科技… 咁第時自己創業,要搶頭啖湯喇喎… 就快人一個馬鼻啦!

「點先可以 Keep 住工作嗰團火?」

講起創新科技,好多人第一時間會諗到美國矽谷;講起創業,又有好多人讚中國內地啲企業做得好成功乜乜乜… 而Alvin就深信:香港嘅Startup一樣做到!佢話香港嘅創業氣氛同支援都未係好成熟,所以佢每日返工嘅動力,就係想接觸同了解更加多新興科技,將佢哋帶畀香港嘅企業~

「點加入 TusPark?」

Alvin話自己見工嗰陣笨唔係Apply呢個Post㗎…「去Interview之前,我上網做晒同呢間公司背景有關嘅Research,到First-in嗰陣,我提出咗啲可以令佢做得更加好嘅建議,咁啱佢哋有個空缺要請相關嘅人,就揀咗我囉…」所以「機會係留畀有準備嘅人」呢句說話,永遠都啱㗎!

「後記」
位於北京嘅清華科技園啟迪總部,有興趣喺中國科技圈發展嘅話,呢度就可能係你將來嘅Office! (Credit: @wangsiqi.ariel)

小編好認同Alvin話,年青人應該趁自己後生有本錢,做一啲自己想做嘅事!如果你都好似佢咁有抱負,想為香港科企創造革命,就快啲Apply下面嘅空缺啦~

📌 Account Assistant
📌 Business & Community Assistant Manager
📌 Marketing – Manager/ Asst. Manager


. . .

睇吓有咩好工啱你啦 👉 http://wantedly.com/projects

成立於2010年,Wantedly是一家於東京起家的上市企業 。我們的目標為"Create a world where work drives passion" — 以才能及對公司的興趣將求職者與僱主連繫起來,取代重視利益關係的傳統配對。在日本有超過27,000間公司使用Wantedly,每月活躍用戶達到250萬個。我們的服務已拓展至新加坡,現在更進駐香港!
  • Written by

    Wantedly編集部

下一編

Page top icon