1
/
5

Wantedly Journal | 仕事でココロオドルってなんだろう?

Interview

【見工必答題】「點解你想做呢份工?」

筆者有朋友最近搵緊工,見嘅第一份工就畀個HR問到「口啞啞」。有見及此,今次「劈頭」就同大家講吓見工竅妙。

2020/10/14

呢條問題比起最近筆者提過嘅「點解我要請你呀」好得多。

首先,聽落一定會舒服好多先,起碼唔會覺得HR高高在上咁;其次,其實換個角度諗,呢個係一個畀你表現自己嘅機會。

喺呢個時候,你應該要話畀個HR知點解你最適合呢份工,上至背景、工作經驗,下至技能、興趣;你仲可以講吓究竟呢間公司有咩吸引到你,例如:company culture、佢哋嘅achievement、你見到嘅career path等等。只要能夠將你同呢份工扯上關係,又show到你嘅熱情,就係好答案。

假如你見緊嘅係social media specialist,你就可以講:「其實我follow咗你哋個Instagram好耐,覺得成條team好close,所以我都好想入嚟做。加上我本身自己搞咗個personal page幾年,雖然冇落過廣告,但都有超過三萬人嘅fan base,所以我認為自己對網上嘅trend都比較熟。而且你哋啱啱先開始搞Facebook,我想將我嘅經驗帶入嚟之餘,仲可以學多啲唔同嘅skills同tools,由經營自己變成經營呢間公司嘅page。」

其實以上都只係一個比較籠統嘅例子,筆者就認為如果對住一份自己冇乜興趣嘅工,都真係好難扮到好有熱誠同衝勁咁去見,而且就算畀你見得成,都唔會做得好甚至做得耐。

所以希望大家睇完呢篇文之後,除咗拎到少少嘢走之外,都可以考慮吓唔再漁翁撒網,而係搵一份睇落自己真係想做嘅工作,就算到最後見唔成咪再搵過囉,反正轉個頭又係一條好漢。

✨ 想即刻搵份新工?睇吓Wantedly有咩啱自己啦!✨

下一編